خدمات أبشر " تجديد ، تأشيره ، إقامه ، تحديث بيانات" 2026

منصة أبشر بقت من أهم المنصات الحكومية في السعودية، وبتخدم المواطنين والمقيمين على حد سواء. في المقال ده هنشرحلك أهم الخدمات المتاحة، وهنساعدك تعرف إيه اللي يخصك بالظبط حسب حالتك.

🔍 اعرف إيه الخدمة اللي تخصك :-

اختار حالتك من الأزرار وهنقولك أهم الخدمات اللي محتاج لها:

اختار حالتك من فوق عشان تشوف النتيجة هنا 👆

منصة أبشر توفر خدمات التجديد والتأشيرات والإقامة وتحديث البيانات إلكترونيًا

أولًا: خدمات المقيمين على أبشر

• تجديد هوية مقيم: تقدر تجديدها إلكترونيًا من غير ما تروح أي مكتب
• تأشيرة خروج وعودة: لو مسافر وعايز ترجع تاني للسعودية
• تأشيرة خروج نهائي: لو قررت تسيب البلد نهائيًا
• تحديث بيانات جواز السفر: لو الجواز اتجدد أو اتغيرت بياناته
• إدارة بيانات أفراد الأسرة والمرافقين

1️⃣ تجديد هوية مقيم (الإقامة)

تقدر تجدد هوية مقيم إلكترونيًا من حساب أبشر، من غير ما تروح أي مكتب.

إمتى تقدر تجدد؟

• العمالة المنزلية: لما تكون صلاحية الهوية أقل من 14 شهر.
• العمالة التجارية: لما يفضل على الهوية أقل من 6 شهور، وتكون رخصة العمل ووثيقة التأمين الصحي سارية.

قبل ما تبدأ، اتأكد من:

• الجواز ساري. لو الجواز منتهي، جدده من سفارة بلدك الأول، وبعدين حدّث بيانات الجواز في أبشر، وبعدها جدد الإقامة.
• مفيش مخالفات مرورية مسجلة على رقم الإقامة.
• رسوم التجديد مدفوعة (الرسوم هتظهر لك في أبشر قبل الدفع).

الخطوات:

1. ادخل على أبشر وسجل دخولك.
2. افتح خدماتي، وبعدين الجوازات.
3. اختار تجديد الإقامة.
4. اختار مدة التجديد.
5. ادفع الرسوم وتابع حالة الطلب من حسابك.

⚠️ تنبيه الغرامة: لو اتأخرت أكتر من 3 أيام بعد انتهاء الهوية، الغرامة 500 ريال أول مرة و1000 ريال لو اتكررت.

💡 لو أنت برّه السعودية: التجديد ممكن إلكترونيًا بشرط دفع الرسوم، وتأكد إن تأشيرة الخروج والعودة سارية أو ممدّدة، عشان الإقامة متتلغيش تلقائيًا.

2️⃣ تأشيرة الخروج والعودة

لو مسافر وعايز ترجع السعودية بنفس إقامتك، لازم يكون معاك تأشيرة خروج وعودة سارية. من غيرها هتقدر تسافر، بس مش هترجع بإقامتك الحالية.

شروط الإصدار:

• الإقامة سارية وتغطي مدة التأشيرة المطلوبة.
• الجواز صالح أكتر من 90 يوم.
• مفيش مخالفات مرورية عليك.
• مفيش قيود سفر.
• رسوم التأشيرة مدفوعة (الرسوم بتظهر لك في أبشر قبل الدفع، وبتختلف حسب نوع التأشيرة ومدتها).

الخطوات:

1. ادخل على أبشر وسجل دخولك.
2. افتح خدماتي، وبعدين الجوازات.
3. اختار الشخص اللي هتطلع له التأشيرة (نفسك أو أحد المرافقين أو العمالة المنزلية).
4. اضغط على إصدار تأشيرة خروج وعودة.
5. حدد مدة العودة، وادفع الرسوم.

📌 للاطمئنان قبل السفر: تقدر تتابع حالة التأشيرة وتطبعها من أبشر، من خلال حالة تأشيرة خروج وعودة.

أهم المقالات على المدونة

أفضل منصات التوظيف في السعودية 2026: دليلك الشامل لفرص العمل والوظائف الشاغرة

أفضل 13 موقع وتطبيق للبحث عن وظائف شاغرة في الإمارات 2025 (دبي، أبوظبي، الشارقة، العين)

دليل شامل: سكن المغتربين والبارتشن في الإمارات 2025: تطبيقات، شركات، ونصائح لتفادي الاحتيال

وظائف للمعلمين، أكثر من 12 منصة معتمدة للتدريس أونلاين في (مصر، السعودية، والإمارات)

ثانيًا: خدمة جديدة — تجديد هوية مقيم من برّه السعودية

من أهم الأخبار في 2026: بقى تقدر تجدد هوية الإقامة حتى وانت خارج السعودية، من غير ما تحتاج تحضري شخصيًا. الخدمة دي كانت مقصورة على المتواجدين جوه البلد بس، ودلوقتي اتوسعت لتشمل اللي برّه كمان.

ثالثًا: تجديد الهوية الوطنية (للمواطنين)

• لازم تبدء إجراءات التجديد قبل انتهاء الصلاحية بـ180 يوم
• البطاقة الجديدة بتوصلك على العنوان المسجل في خدمة "واصل"
• لو البطاقة اتفقدت أو اتلفت، تقدر تطلب بدل فاقد/تالف بنفس الطريقة

رابعًا: خدمات تانية سريعة على أبشر

• تجديد رخصة القيادة
• الاستعلام عن المخالفات المرورية ودفعها
• الهوية الرقمية
• خدمات الأسرة والمكفولين.

لو عندك سؤال عن خدمة معينة مش لاقيها، اكتبها في الكومنتات وهنحاول نوضحها.